Presidentja kroate, Kolinda Grabar-Kitaroviq ka deklaruar se është shkatërruese për Serbinë që lejon që kongresi i Partisë Radikale serbe të mbahet në Hrtkovci.
Kitaroviq ka theksuar se është shkatërruese që në vitin 2019 të mbahen kongrese të tilla në simbolin e vrasjes së udhëheqësve kroatë, dhe ka vlerësuar se bëhet fjalë për nënçmimin e viktimave në vendin e krimit.
“Është shkatërruese kjo që Serbia në vitin 2019 lejon mbledhjen e njerëzve të njëjtë në Hrtkovci, simbolin e vrasjes dhe përndjekjës së kroatëve në Vojvodinë”, ka thënë Grabar-Kitaroviq, transmeton Ballkani.info.
Ajo ka shtuar se “tallja me viktimat në vendin e krimit është mposhtje e civilizimit për një shoqëri, është revizionizëm i papranueshëm historik dhe rehabilitim i politikës për të cilën nuk ka vend në Evropën bashkëkohore”.
“Dhjetëra mijëra kroatë të Vojvodinës janë detyruar që t’i lëshojnë shtëpitë e tyre në vitet e 90-ta për shkak të përsekutimit serbo-madh dhe veprimeve të akuzuarit për krime lufte, Vojisllav Sheshel dhe propagandës së tij”, ka thënë tutje ajo.
Në Hrtkovci sot është mbajtur kongresi i 10-të i SRS-ë në të cilin Vojisllav Sheshel sërish është zgjedhur lider i partisë. Kongresi është mbajtur në shtëpinë e Sheshelit.
Agjencia kroate e lajmeve Hina thekson se kongresi i radikalëve është organizuar dy ditë para përvjetorit të mitingut të SRS-ë në Hrtkovci, i mbajtur më 6 maj të vitit 1991, në të cilin, sipas aktgjykimit të Tribunalit të Hagës, është bërë thirrje për përsekutim të kroatëve të Vojvodinës dhe ku më pas ka nisur shpërngulja e tyre.
Lidhja Demokratike e kroatëve në Vojvodinë ka kërkuar dje nga organet përgjegjëse që ta ndalojnë mbajtjen e kongresit të SRS-së në Hrtkovci, por kjo nuk ka ndodhur.
Omega 3 cilat janë format më të përhapura dhe më të sigurta
Humb jetën një 36-vjeçar në Shkodër
Elita 5 dhe Aurela Gaçe shtojnë ngjyrat e spektaklit në Fest...
Vriten pesë ushtarë izraelitë gjatë luftimeve në Liban
E pamundur për Real Madridin ta mbajë Gulerin: Dy gjigantët ...
Deputetja e LDK-së: Takimi trepalësh për dialogun Kosovë-Ser...